Božić u Kalima

Još malo pa je Božić.

Na Badnji duan i nekoliko duan prije se uči pismica. Kroz cijelu pismicu se kadi, a nakon toga se podile voćke i slatkiši. Unda vičeraš pa se griješ sprijemati za puonoćku. Do tuad se jua i moje rodice zafrkivuamo. Na Božić se dignin u šjest ujutro. Unda sa rodicama prčkun po poklonima. Sluažemo i trjesemo ih. Posli puo ure mi prisede jer moruamo svih čekati. Pa se spušćamo po skalinama i znua nekad zaboliti. Dok se one iskilave pruojde cijela vječnost. Napokon, unda otvuaramo poklone. Nakon toga grin u crikvu, na misu. Kad duojden doma sve duaje po obedu pa se unda obijedva. Nakon toga se odmorimo i puojdemo igrati sa susjedima.

Tako nan završi vuaj predivan Božić.

Nina Ivoš, 4.b